Veriu i Kosovës vijon të mbetet i tensionuar, me sulmin e brendshëm me një granatë dore në godinën e Komunës në Mitrovicën e Veriut.
Lidhur me këtë incident, ka reaguar ministri i Brendshëm i Kosovës, Xhelal Sveçla, i cili në një postim në Twitter është shprehur se agresioni i regjimit të presidentit serb Aleksandër Vuçiçit po vazhdon.
Ministri Sveçla ka thënë se sulmi terrorist i ndodhur mbrëmë është një përpjekje tjetër për përshkallëzim të situatës dhe destabilizim.
“Vazhdon agresioni i Vuçiçit. Sulmi terrorist i mbrëmshëm kundër ndërtesës së Komunës në Mitrovicën Veriore është edhe një tentativë për përshkallëzim dhe destabilizim. Serbia duhet të mbajë përgjegjësi për sjelljen e tyre armiqësore. Sulmet duhet të ndalen tani”, ka shkruar ai.
Në postimin në Twitter, Sveçla ka bashkangjitur edhe një video ku tregohen dëmet e shkaktuara nga sulmi i brendshëm.
The aggression of Vucic continues. Last night terrorist attack against the Municipal building in North Mitrovica is yet another attempt for escalation & destabilization. Serbia should be held responsible for their hostile behaviour. The attacks must stop now. pic.twitter.com/0fsp7OjeuR
— Xhelal Sveçla (@XSvecla) June 27, 2023